dil mein mahak rahen hain kisi arazu ke phool
palakon mein khilane vaale hain shaayad lahu ke phool
ab tak hai koi baat mujhe yaad harf harf
ab tak main chun rahaa hun kisi guftaguu ke phool
[harf-harf=each and every letter (of the alphabet)]
[guftaguu=conversation]
kaliyaan chatak rahi thee ki awaz thee koi
ab tak sama'aton mein hai ik Khush-guluu ke phool
[sama'ato.n=hearing; Khush-guluu=one with sweet voice]
mere lahuu kaa rang hai har nok-e-Khaar par
seharaa mein har taraf hai merii justajuu ke phool
[nok-e-Khaar=tip of the thorn; seharaa=desert/wilderness]
deewane kal jo log the phoolon ke ishq mein
ab un ke daamanon mein bhare hain rafu ke phool
javed akhtar